கனடா செய்திகள்

Pemberton பகுதியில்  தடம் புரண்ட ரயிலின் பெட்டிகள் ஏரிக்குள் கவிழ்ந்தன

12 Jul 2018

கனடாவில்  Pemberton பகுதியில்  தடம் புரண்ட ரயிலின் பெட்டிகள் ஏரிக்குள் கவிழ்ந்த சம்பவம் அதிர்ச்சியை ஏற்படுத்தியுள்ளது.

கனடாவின் Pemberton பகுதிக்கு வடக்கே 25 கிலோமீற்றர்கள் தொலைவில் கேட்ஸ் ஏரியில் சரக்கு ரயில் ஒன்றின் சில பெட்டிகள் கவிழ்ந்தன.அதிர்ஷ்டவசமாக அந்த ரயிலில் மரச் சாமான்கள் மட்டுமே இருந்தன, ஆபத்தை உண்டாக்கும் பொருட்கள் எதுவும் இல்லை.

மூன்று பெட்டிகள் தண்ணீருக்குள் விழுந்த நிலையில் ஏரிக்கு அருகில் வசித்துவரும் Lauren Phare என்ற பெண்ணின் குடும்பத்தார் உதவிக்கு விரைந்தனர். அவர்கள் தங்கள் படகின் உதவியால் ரயில் பெட்டிகளை கரைக்கு கொண்டு வர உதவினர். Lauren Phare, 10 மாதங்களுக்குமுன் இதே இடத்தில் இன்னொரு ரயில் தடம் புரண்டதை நினைவு கூர்ந்தார்.

கடந்த செப்டம்பர் மாதம் மரக்கட்டைகளை ஏற்றி வந்த ஒரு ரயிலின் ஐந்து பெட்டிகள் தடம் புரண்டமை குறிப்பிடத்தக்கது.

 

நல்ல வேளையாக ரயில் பெட்டிகளில் ரசாயனப் பொருட்கள் எதுவும் இல்லை என்று கூறிய அவர், அப்படி இருந்திருந்தால் இந்த பகுதிக்கே பெருத்த பாதிப்பு ஏற்பட்டிருந்திருக்கும் என்றார்.






கருத்துரைகள்


கருத்துரைகள் இல்லை


 

தொடர்புடைய செய்திகள்

Inayam TV