விளையாட்டு செய்திகள்

பேட்ஸ்மேன் தரவரிசையில் ஸ்டீவன் சுமித் முதலிடத்தில் நீடிப்பு

11 Sep 2019


டெஸ்ட் கிரிக்கெட் போட்டியில் பேட்ஸ்மேன்கள், பவுலர்கள் மற்றும் ஆல்-ரவுண்டர்கள் தரவரிசையை சர்வதேச கிரிக்கெட் கவுன்சில் நேற்று வெளியிட்டது. இதன்படி பேட்ஸ்மேன் தரவரிசையில் ஆஷஸ் 4-வது டெஸ்ட் போட்டியில் இரட்டை சதம் அடித்த ஆஸ்திரேலிய வீரர் ஸ்டீவன் சுமித் (937 புள்ளிகள்) முதலிடத்திலும், இந்திய அணி கேப்டன் விராட்கோலி (903 புள்ளிகள்) 2-வது இடத்திலும், நியூசிலாந்து கேப்டன் கேன் வில்லியம்சன் (878 புள்ளிகள்) 3-வது இடத்திலும், இந்திய வீரர் புஜாரா (825 புள்ளிகள்) 4-வது இடத்திலும், நியூசிலாந்து வீரர் ஹென்றி நிகோல்ஸ் (749 புள்ளிகள்) 5-வது இடத்திலும் மாற்றமின்றி தொடருகின்றனர். பவுலர்கள் தரவரிசையில் ஆஸ்திரேலிய வீரர் பேட் கம்மின்ஸ் (914 புள்ளிகள்) முதலிடத்திலும், தென்ஆப்பிரிக்க வீரர் காஜிசோ ரபடா (851 புள்ளிகள்) 2-வது இடத்திலும், இந்திய வீரர் ஜஸ்பிரித் பும்ரா (835 புள்ளிகள்) 3-வது இடத்திலும், வெஸ்ட்இண்டீஸ் வீரர் ஜாசன் ஹோல்டர் (814 புள்ளிகள்) 4-வது இடத்திலும் நீடிக்கின்றனர். தென்ஆப்பிரிக்க வீரர் பிலாண்டர் (813 புள்ளிகள்) ஒரு இடம் முன்னேறி 5-வது இடத்தை பிடித்துள்ளார். ஆல்-ரவுண்டர்கள் தரவரிசையில் வெஸ்ட்இண்டீஸ் கேப்டன் ஜாசன் ஹோல்டர் (472 புள்ளிகள்) முதலிடத்தில் தொடருகிறார். வங்காளதேச அணி வீரர் ஷகிப் அல்-ஹசன் (397 புள்ளிகள்) ஒரு இடம் முன்னேறி 2-வது இடத்தையும், இந்திய வீரர் ரவீந்திர ஜடேஜா (390 புள்ளிகள்) ஒரு இடம் முன்னேறி 3-வது இடத்தையும் பிடித்துள்ளனர்.






கருத்துரைகள்


கருத்துரைகள் இல்லை


 

தொடர்புடைய செய்திகள்