உலகம் செய்திகள்

தென்கொரியாவில் சோகம் ஆஸ்பத்திரியில் தீப்பிடித்து 5 பேர் பலி

06 Aug 2022

தென்கொரியா தலைநகர் சியோலில் இருந்து 50 கி.மீ. தொலைவில் உள்ள இச்சியோன் நகரில் 4 மாடிகளை கொண்ட கட்டிடம் உள்ளது. கட்டிடத்தின் 4-வது தளத்தில் டயாலிசிஸ் நோயாளிகளுக்கான ஆஸ்பத்திரி செயல்பட்டு வருகிறது. 2-வது, 3-வது தளங்களில் அலுவலகங்களும், முதல் தளத்தில் ஓட்டல்களும் உள்ளன.

இந்த நிலையில் நேற்று காலை 4-வது தளத்தில் உள்ள ஆஸ்பத்திரியில் திடீரென தீப்பிடித்தது. கண்இமைக்கும் நேரத்தில் தீ ஆஸ்பத்திரி முழுவதும் பரவி கொழுந்துவிட்டு எரிந்தது. அதை தொடர்ந்து ஆஸ்பத்திரியில் இருந்த மருத்துவ ஊழியர்கள் சிகிச்சைக்கு அனுமதிக்கப்பட்டிருந்த 30-க்கும் மேற்பட்ட நோயாளிகளை அவசர அவசரமாக வெளியேற்ற தொடங்கினர். இருப்பினும் தீயின் கோரப்பிடியில் சிக்கி 4 நோயாளிகள் மற்றும் ஒரு நர்சு என 5 பேர் சம்பவ இடத்திலேயே பரிதாபமாக உயிரிழந்தனர். மேலும் 37 பேர் படுகாயம் அடைந்தனர்.

ஆஸ்பத்திரியில் ஏற்பட்ட தீ விபத்தில் சிகிச்சை அனுமதிக்கப்பட்டிருந்த நோயாளிகளும், நர்சும் உயிரிழந்தது அங்கு பெரும் சோகத்தை ஏற்படுத்தி உள்ளது.






கருத்துரைகள்


கருத்துரைகள் இல்லை


 

தொடர்புடைய செய்திகள்


Powered by Jasper Roberts - Inayam