இந்தியா செய்திகள்

தமிழின் தலை சிறந்த எழுத்தாளர்களில் ஒருவரான பாலகுமாரன் காலமானார்

15 May 2018

தமிழின் தலைசிறந்த எழுத்தாளர்களில் ஒருவரான "எழுத்துச் சிற்பி" பாலகுமாரன் காலமானார்.

தஞ்சை மாவட்டம் திருகாட்டுப்பள்ளி அருகே உள்ள பழமார்நேரி என்ற கிராமத்தில் கடந்த 1946ம் ஆண்டு பிறந்தவர் பாலகுமாரன். இவர், நூற்றுக்கணக்கான சிறுகதைகள், இருநூற்றுக்கும் அதிகமான நாவல்களை எழுதியுள்ளார்.

இவர்பல தமிழ் திரைப்படங்களுக்கு வசனங்கள் எழுதியுள்ளார்.கமல் நடித்த நாயகன், ஜென்டில் மேன் , குணா, பாட்ஷா ஆகிய திரைப்படங்கள் மக்களின் மனதில் பதிந்தவை. நாயகன் படத்தில் தாதாவான கமலை பார்த்து ஒரு குழந்தை, ''நீங்க நல்லவரா? இல்லை கெட்டவரா? ’’ என்று கேட்கும்.அந்த நாள் முதல் இந்த நாள் வரை இந்த வசனம் மிகவும் பிரபலம்.மேலும் நடிகர் தனுஷ் நடித்து வெளியான புதுக்கோட்டை படத்தில் வசனம் எழுதினார்.

படத்திற்காக வசனங்கள் எழுதியது குறித்து ஒரு நாளிதழுக்கு அளித்த பேட்டியில், ''பணத்திற்காகத்தான் வசனங்கள் எழுதினேன்'' என்று மிக எதார்த்தமாக பதில் அளித்தார்.இவர்நாவல்கள் மற்றும் சிறுகதைகள் மூலம் தமிழ் இலக்கியத்திற்குபெறும் பங்காற்றியுள்ளார்.


இந்நிலையில் கடுமையான மூச்சுத்திணறல் ஏற்பட்டு மருத்துவமனையில் அனுமதிக்கப்பட்டவர், இன்று சிகிச்சை பலனின்றி உயிரிழந்தார். அவரது உடல் மயிலாப்பூரில் உள்ள அவரது வீட்டில் அஞ்சலிக்காக வைக்கப்பட்டுள்ளது. எழுத்தாளர்களும் , சினிமா பிரபலங்களும் அவரது உடலிக்கு அஞ்சலி செலுத்தி வருகின்றனர்.






கருத்துரைகள்


கருத்துரைகள் இல்லை


 

தொடர்புடைய செய்திகள்

Inayam TV