இலங்கை செய்திகள்

ஜனாதிபதிக்கு புதிதாக பிரதமரை நியமிக்கும் அதிகாரம் இப்போதும்  உண்டு - குமார வெல்கம

15 Apr 2019

ஜனாதிபதிக்கு புதிதாக பிரதமர் ஒருவரை நியமிக்கும் அதிகாரம் இப்போதும்  உண்டு எனவும், அவ்வாறு நியமித்ததன் பின்னர் நாடாளுமன்றத்தில் பெரும்பான்மையை நிரூபிக்க வேண்டும் எனவும் ஸ்ரீ லங்கா சுதந்திரக் கட்சியின் சிரேஸ்ட உறுப்பினரும் நாடாளுமன்ற உறுப்பினருமான குமார வெல்கம தெரிவித்துள்ளார்.

ஏப்ரல் 15 ஆம் திகதி அரசியல் புரட்சியொன்று இடம்பெறப் போவதாக பல தரப்புக்களிலும் கூறப்படும் கருத்துக் குறித்து இவரிடம் வினவியதற்கே இவ்வாறு பதிலளித்தார்.

நாடாளுமன்றத்தில் 113 பெரும்பான்மைப் பலம் இருக்குமானால், அரசியல் புரட்சியொன்றை மேற்கொள்ளலாம். அவ்வாறில்லாமல் செய்வதில் எந்தவிதப் பயனும் இல்லை. கடந்த காலத்தில் அவ்வாறான ஒரு நடவடிக்கையின் பெறுபேற்றைக் கண்டுகொண்டோம்.

பிரதமர் பொறுப்பை ஏற்க வேண்டாம்  என கடந்த காலத்திலும் நான் மஹிந்த ராஜபக்ஸவிடம் கூறினேன்.  மீண்டும் ஒரு முறை  அந்தக் குழியில் விழமாட்டார் என தான் நம்புவதாகவும் குமார வெல்கம எம்.பி. மேலும் கூறினார். 






கருத்துரைகள்


கருத்துரைகள் இல்லை


 

தொடர்புடைய செய்திகள்