கனடா செய்திகள்

காணாமல் போனதாகக் கூறப்பட்ட விமானம் வெடித்ததில் மூவர் உயிரிழப்பு

23 Jan 2020

அவுஸ்ரேலியாவில் காட்டுத்தீயை அணைக்கும் பணியில் ஈடுபட்டிருந்தபோது காணாமல்போனதாகக் கூறப்பட்ட விமானம் வெடித்ததில் மூவர் உயிரிழந்துள்ளனர்.

அவுஸ்ரேலியாவின் அல்பயின் பிராந்தியத்தில் இன்று தீயணைப்பு பணியில் ஈடுபட்டிருந்த கனடாவுக்கு சொந்தமான விமானம் காணாமல் போயிருந்தது.

இந்நிலையில், குறித்த விமானம் வெடிப்புக்கு உள்ளாகியுள்ளதாகவும் குறித்த வெடிப்பினால் அவ்விமானத்தில் இருந்த மூவரும் உயிரிழந்துள்ளதாகவும் அந்நாட்டு அதிகாரிகள் தெரிவித்துள்ளனர். மேலும் குறித்த விபத்தில் உயிரிழந்தவர்கள் அமெரிக்காவை சேர்ந்தவர்கள் எனவும் தெரிவிக்கப்பட்டுள்ளது.

அத்துடன் தீயணைப்புக்காக பயன்படுத்தப்படும் இரசாயனப் பொருட்களை காவிச் சென்ற குறித்த விமானமானது என்ன காரணத்தினால் வெடிப்புக்குள்ளானது என இதுவரையில் கண்டுபிடிக்கப்படவில்லை என அதிகாரிகள் மேலும் தெரிவித்துள்ளனர்.

மேலும் குறித்த சம்பவம் தொடர்பாக கருத்து வெளியிட்டுள்ள அவுஸ்ரேலிய விமானப்போக்குவரத்து துறையின் பேச்சாளர், குறித்த விமானம் தீயணைப்பு திரவங்களை விசிறுவதற்காக ஓர் பள்ளத்தாக்கிற்கு சென்றதாகவும் அது மீண்டும் வரவில்லை எனவும் குறிப்பிட்டுள்ளார்.






கருத்துரைகள்


கருத்துரைகள் இல்லை


 

தொடர்புடைய செய்திகள்