ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து 3 ஒருநாள் போட்டிகள் கொண்ட தொடரில் விளையாடுகிறது. இதில் பங்கேற்கும் இந்திய அணி அறிவிக்கபட்டுள்ளது. அதன் விவரம் வருமாறு: கே.எல் ராகுல் (கேப்டன்), ஜடேஜா, ருதுராஜ் கெய்க்வாட், சுப்மன் கில், ஸ்ரேயாஸ் ஐயர், சூர்ய குமார் யாதவ், திலக் வர்மா, இஷான் கிஷன், ஷர்துல் தாகூர், வாஷிங்டன் சுந்தர், ஆர்.அஸ்வின், ஜஸ்பிரித் பும்ரா, முகம்மது ஷமி, முகம்மது சிராஜ், பிரஷித் கிருஷ்ணா

ரோகித் சர்மா மற்றும் விராட் கோலி ஆகிய நட்சத்திர வீரர்களுக்கு முதல் இரண்டு ஆட்டங்களில் ஓய்வு கொடுக்கப்பட்டுள்ளது. காயம் காரணமாக ஆசிய கோப்பை தொடரில் அணியில் சேர்க்கப்படாமல் இருந்த ஸ்ரேயஸ் ஐயர் அணியில் சேர்க்கப்பட்டுள்ளார். இந்தியாவில் சுற்றுப்பயணம் செய்யும் ஆஸ்திரேலிய அணி வரும் 22,24 மற்றும் 27 ஆகிய தேதிகளில் ஒருநாள் போட்டிகளில் விளையாடுகிறது.