இலங்கை செய்திகள்

அமெரிக்காவே வெள்ளை வான் கலாசாரத்தை அறிமுகப்படுத்தியது - கோட்டா

12 Feb 2019

இலங்கையில் வெள்ளை வான் கலாசாரத்தை அமெரிக்காவே அறிமுகப்படுத்தியது என முன்னாள் பாதுகாப்புச் செயலாளர் கோட்டாபய ராஜபக்ஷ தெரிவித்துள்ளார்.

தாம் பதவியிலிருந்த காலத்தில் புலனாய்வுப் பரிவினர் பயன்படுத்திய வாகனங்கள் வெள்ளை நிறத்தில் காணப்பட்டதால், அவற்றை வெள்ளை வான் என கூறமுடியாது என அவர் மேலும் குறிப்பிட்டுள்ளார்.

இலங்கையில் கடந்த ஆட்சிக்காலத்தில் வெள்ளைவான் கலாசாரத்தை கோட்டாவே அறிமுகப்படுத்தினார் என்ற குற்றச்சாட்டுக்கள் பரவலாக முன்வைக்கப்பட்டு வருகின்ற நிலையில், ஆங்கில வார இதழொன்றிற்கு வழங்கிய செவ்வியிலேயே மேற்குறித்த விடயங்களை கூறியுள்ளார்.

குறிப்பாக செப்டெம்பர் 11 தாக்குதலுக்கு பின்னர் உலகெங்கும் பதுங்கியிருந்த குற்றவாளிகளை கைதுசெய்ய அமெரிக்கா பல வழிகளை கையாண்டதாக கோட்டா குறிப்பிட்டுள்ளார். குறிப்பாக இலங்கையில் மறைந்திருந்த மலேசியர் ஒருவரை கைதுசெய்ய அமெரிக்க புலனாய்வு பிரிவினர் பல வழிமுறைகளை கையாண்டனர் என்றும் குறிப்பிட்டுள்ளார்.

குற்றவாளிகளை கைதுசெய்ய உலகமெங்கும் பல்வேறு பாணியில் நடவடிக்கை எடுக்கப்படுவதாகவும் அந்தவகையில், தீவிரவாத செயற்பாடுகளை முறியடிப்பதற்காக போர்க் காலத்திலும், ஜே.வி.பி. கிளர்ச்சியின் போதும் வெள்ளை வான் உள்ளிட்ட பல வழிமுறைகள் கையாளப்பட்டதாக கோட்டா சுட்டிக்காட்டியுள்ளார். விசாரணைகளுக்காக, உலகெங்கும் இவ்வாறான நடைமுறைகள் ஏற்றுக்கொள்ளப்பட்டுள்ளன என்றும் அவர் கூறியுள்ளார்.

அத்தோடு, தான் பாதுகாப்புச் செயலாளராக பதவி வகித்த காலத்திற்கு முன்பிருந்த ஆட்சியிலும் இந்த நடைமுறை பின்பற்றப்பட்டு வந்ததென குறிப்பிட்ட அவர், தான் அறிமுகப்படுத்தியதாக குறிப்பிடும் குற்றச்சாட்டுக்கள் அடிப்படை அற்றவை எனக் கூறியுள்ளார்.






கருத்துரைகள்


கருத்துரைகள் இல்லை


 

தொடர்புடைய செய்திகள்